美景宫

美景宫（德文：Schloss Belvedere）是中欧城市维也纳东南面一只巨大个宫殿。昰个宫殿是哈布斯堡王朝为著要奖赏欲根亲王个赫赫武功修造个。1697年欲根亲王修造好自家立在维也纳城内个欲根冬宫之后，着手修造昰只宫殿，并当成自家个夏宫。宫殿呈现典型个巴洛克风格，绚丽多彩，庄重貤弗獃板。1730年代欲根亲王死脱之后，宫殿畀渠唯一个血亲下一代侄囡继承。到1752年，欲根亲王个侄囡因得欠债，担宫殿售卖畀哈布斯堡王室。乃朝，此地成为爻著名个美术馆，收藏个著名绘画多来邪邪气气。