聖則濟利亞

聖則濟利亞（拉丁语：Sancta Caecilia）是天主教（含東儀天主教會）、聖公宗、东正教等敬奉个基督教聖人，畀視為音樂家搭基督教聖樂个主保聖人。伊个纪念日勒拉11月22日。

貴鐸·雷尼1606年画作《聖則濟利亞》

生平

聖女則濟利亞是初期教會頂頂著名个殉道貞女之一。佢出身羅馬貴族，自幼信奉天主教，並矢志終身守貞，每星期守齋多次。到了適婚年齡，父親幫佢擇配。未婚夫名叫華肋廉，是羅馬个一位青年貴族。

勒結婚个伊日天，則濟利亞一心祈求天主護佑佢，保持身心个無玷。晚上新郎搭新娘到了洞房个辰光，則濟利亞鼓起勇氣對華肋廉話：「我有樁秘密个事體要告訴儂。天主派一位天使勒我身旁，保護我个童貞。」 則濟利亞又道：「假如儂一心信仰唯一个真天主，領受聖洗，儂就會看見迭位天使。」華肋廉表示接受。則濟利亞囑佢到羅馬城外距亞爾比大道三里个貧人窟裏尋烏爾巴諾主教領受洗禮。

華肋廉到了城外个貧民窟，按址查訪，尋到了烏爾巴諾主教。烏爾巴諾幫佢付了洗。華肋廉回到屋裡，真个看見則濟利亞身旁个那位天使。天使勒二人頭上放了一枝花冠，則濟利亞搭華肋廉共度守貞个生活，熱心恭敬天主。

過了一段辰光，華肋廉个弟弟諦步爵來訪，見兄嫂容光煥發，室內芬香撲鼻，弗由嘖嘖稱奇，問起仔原因，則濟利亞據實相告，並勸諦步爵也皈依天主教，獲取永生个榮冠。諦步爵也到城外去尋烏爾巴諾主教，領了聖洗。

朝後起，華肋廉搭諦步爵弟兄二人全力從事公教敬主愛人个工作，勒屋裡舉行宗教儀式，並殮葬殉道烈士个屍體，後被人告發解往公庭受審。

法官命華肋廉弟兄二人向邪神獻祭，就可以獲釋出獄。華肋廉道：「我伲決弗向任何邪神獻祭。我伲只欽崇唯一个真天主。」法官下令對佢拉施鞭刑。二人聽了，欣喜若狂。華肋廉對法庭旁聽个基督徒高呼道：「羅馬公民們，㑚覅看見了我伲所受个酷刑而覺得害怕，㑚應堅守信德，寧死弗背棄真主。」

華肋廉弟兄二人解往刑場，斬首致命。有一個官吏見佢拉迭能英勇，非常感動，當場表示皈依天主教，同時執行死刑。

則濟利亞殮葬了三個烈士个遺體。官吏派人去勸聖女背教，聖女反而擔一些派來个人說服，歸奉天主教。

則濟利亞繼續爲天主教服務。信教个人一日比一日增加，佢个房屋成爲傳教个中心。吳爾班親往佢屋裡幫四百人付洗。一個貴族勒則濟利亞个房間裡建了一座聖堂。

法官擔則濟利亞拘捕，勸佢背教。則濟利亞口才交關好，弗消三言兩語，擔法官話得啞口無言。人們將聖女關勒浴室裡，燒起烈火，欲使佢窒息而死。燃料較一般个數量加上七倍，誰知燒了一日一夜，聖女勒浴室還是安然無恙。一個兵士用利斧將聖女斬首，斬了三趟，聖女倒勒地上，信友紛紛前來慰問。聖女遺命將自己个住屋送給教會，三日後才氣絕，遺體葬勒聖加理多公墓，教宗陵墓个旁邊。

紀念

則濟利亞遇難个日腳，傳記各有出入，但弗出二世紀至四世紀中个一段辰光。聖女爲初期聖教殉道烈士个典型人物。佢个敬禮很早已非常普及。佢个名字列入彌撒經个行祭常典裡向。聖女遇難个處所，建有「聖女則濟利亞大堂」一座。

勒八二Ｏ年橫裡，教宗聖巴斯加將則濟利亞个遺體迎往聖女則濟利亞大堂。

一五九九年，史豐旦樞機修建則濟利亞大堂，啟棺重殮聖女个遺體。名雕刻師馬德諾勒旁，目睹聖女面目如生，身體側睡，恍如安眠个少女，就按照佢个模樣製成銅像。迭尊銅像安放勒則濟利亞大堂个祭臺下面，像上有雕刻師个題語，照錄如下：「此乃童貞聖女則濟利亞之像，我親見其遺容完整弗腐，面容如生，特按狀製成本像。」

自十六世紀以來，聖女則濟利亞是天主教會頂頂著名个音樂主保，因爲佢舉行婚禮个辰光，樂師奏樂，聖女暗自詠，求主保護佢个貞操。歌詞是：求主讓我心，純潔弗受損，保全我貞潔，潔白獻主前。一五八四年，羅馬成立音樂學院選佢爲主保。卓登（Oryden）勒佢个節日寫了一首歌，教宗也寫了一首頌歌。