胶东半岛

胶东半岛，通常叫做胶东，是中国山东省内，胶莱河以东个区域，包括烟台、威海个全部管辖范围搭青岛个东部，也是山东半岛个核心部分，北面搭辽东半岛有渤海湾分开来。胶东半岛是老早东夷活动个地区，拥有独特个文化风貌搭地理特征。

著名女星范冰冰来自胶东半岛

历史

胶东地区老早活动个居民是莱夷。到春秋辰光，被齐国征服。一些东夷遗民来勒亡国后渡海，到朝鲜半岛，建立箕子朝鲜。金朝元朝辰光，当今山东省境内大部分地区历经战乱人口骤减，经济文化遭到严重破坏。只有胶东半岛地区损失比较小，保留更多个山东古代人种搭文化。来勒明朝初年一部分登州府搭莱州府个居民迁移到山东西部。清朝末年，到中华民国，山东因为人口压力，开始邪气大哥闯关东热潮，胶东地区因为方便走海路去关东，有大量人口移到东北。对东北个人口构成搭地域文化侪带来深远影响。

经济

胶东地区来勒老早被认为是天尽头，经济弗是老发达，搭中原比起来比较推板。弗过，因为地理原因，港口交关，适合发展对外贸易。民国开始，因为洋人来到搭贸易，此地个经济发展比山东其他地区要快。近年，因为开展对韩贸易，还利用侨资发展乡镇企业，人民生活有较大提高。

语言

胶东地区使用个方言是胶辽官话（以烟台话、威海话为代表），搭山东其他地区个方言有蛮大差别，反过来搭辽东半岛个大连方言相近。因为迭个原因，胶东地区（尤其是烟台地区）民众相互间有较强个身份认同，往往对外称自家是胶东人，弗欢喜讲自家是山东人，或烟台人，威海人。

饮食

胶东菜以福山菜为代表，是鲁菜个一个分支，擅长烹饪海鲜，煲制鲜汤。

资源

• 烟台招远市拥有占全国储量1/3的金矿。近年又在莱州市发现了巨大金矿。
• 烟台栖霞市在国内率先引种了日本的富士苹果，并发展成著名的红富士品种。
• 烟台莱阳市有特产莱阳梨。