脑电图

腦電圖是通過腦電描記儀蹲拉頭皮高頭收集腦部產生微弱生物電，再放大記錄得到個曲線圖。用於輔助診斷腦部相關疾病，譬如癲癇、腦血管疾病。但因為渠易受干擾，個咾臨床上要結合其他手段來使用。

腦電圖示例

腦電圖拿人大腦活動辰光產生個電信號記錄下來，好相幫醫生確定腦子個毛病。一般性要勒頭皮高頭貼交關電極，隨後通過專門個機器收集、放大信號，記錄下來。收集到個電信號反應了腦子裡向，神經細胞離子進出產生個電壓波動。因為容易受到干擾，弗大單獨用，多數要配合個方法再好確診。

腦電圖用個多個譬如看羊癲瘋、睏覺失常，包括看麻醉阿是到位、人阿是腦死或者昏迷。其老早也畀拿來檢查腫瘤、中風搭仔別個局部個腦子毛病，後稍來啥MRI、CT該種高清晰個技術發明出來了，麼就慢慢交弗大用哉。不過其還是邪氣有用個，特別是需要一秒一秒變化儕要看清爽個辰光，別個技術脫慢來兮，照弗利氣。

英文裡向，「EEG」迭個縮寫可以是腦電圖「electroencephalogram」、腦電描記法「electroencephalography」或者腦電描記儀「electroencephalograph」脫可以，但平常光講「EEG」一般指腦電圖。

腦電圖示例，有明顯Alpha波

國際十廿法電極配置

腦波種類

腦波種類		頻率 (Hz)	人體狀態
Delta(δ)		<4	成年人：慢波睏覺 毛頭：任何辰光
Theta(θ)		4~7	人停了醒拉，啥事體也弗做
Alpha(α)		8~15	人放鬆、眼睛閉拉
Beta(β)		16-31	正常做生活，思考，處理外部信息 人注意力集中，緊張甚至於焦慮
Gamma(γ)		>32	複合個外部信息（譬如又有視覺又有聽覺） 用到短期記憶個任務