维基百科

臺鐵408號出軌事故

臺鐵408號出軌事故（花莲县消防局叫做花蓮縣0402交通事故）是勒该臺铁北回线个太鲁阁自强号车子个一桩出轨事故。当时辰光车浪向大概有490名乘客，乃末勒海经过花莲县秀林乡和仁段大清水隧道北口个辰光，碰到边坡切入路线个工程车出轨后又搭牢隧道壁冲进隧道里向。当前造成哉54人死脱搭156人受伤，261人已疏运。[1][2]动员个抢修人员共总105人，有工务60人、电务20人、机务25人，并且出动2列机务抢修车，2部25吨吊车、怪手2部，车辆脱离可能会得要5天、轨道修复1天，架空电缆及导电轨修复1天，共总需要7天才好抢修完成。而死者是哪能买票上车个还弗大清爽。[3][4]

出轨车子
国军过去救援

事故

编辑

经过

编辑

2021年4月2号早浪向9点28分，一辆树林车站开往臺东车站个408次太鲁阁号列车（编组：TEMU1013+1014），由于事发地和仁─崇德间分别有新清水隧道与新和仁隧道（西正线）、清水隧道与和仁隧道（出事路段；东正线）侪是单线，搿只列车高速通过和仁隧道后，就迎头撞上一台从上面边坡滑落到轨道搿工程车，搿辆工程车是李义祥负责个义祥工程个工程车，伊个车号是“775-TX”。虽然驾驶已刹车老吃力，依然导致还勒列车前进方向个第1节车厢（车头，第8车）出轨，出轨后勒高速行驶个列车再趟撞进清水隧道导致车厢扭曲变形，挨下来第2至4节车厢（编号：7-5车）也跟牢冲入清水隧道出轨变形，车厢里头通道中断。

原因

编辑

当时臺铁大清水路段51K有交通部外包个隧道工程，施工勒海，一辆工程车停勒铁路旁边个滑坡埃面，好像呒没拉好手刹车，导致车辆滑落至轨道，太鲁阁列车出隧道后来弗及刹车，撞上了伊。[5][6]

后续

编辑

中华民国卫生福利部中央健康保险署宣布，呒没健保卡、呒没办法畀铜钿个事故伤患，好破例到健保特约医院就医。

追责

编辑

台湾花莲地方检察署勒4月3日夜里向拿义祥工业社负责人声押。[7]

赔偿

编辑

还呒没。

事故车子

编辑
 
事故简图

搿趟事故编组1013+1014是2016年增购个2列TEMU1000型首列，[8]第8车至第3车半截总共6截半车厢困勒隧道，其中第8车至第5车严重变形坏脱。[9]

  第408次太鲁阁列车

←（逆行）树林、台北方向-花莲、台东（顺行）方向→

车子 1 2 3 4 5 6 7 8
型号 TED1013

(Tc)

TEM1025

(M1)

TEP1013

(T)

TEM1026

(M2)

TEM1028

(M1)

TEP1014

(T)

TEM1027

(M2)

TED1014

(Tc)

定员 36人 52人 48人 52人 52人 48人 52人 36人
位置[10] 清水隧道外头 清水隧道里向
事故情况[10] 脱轨 脱轨，撞击严重变形

反应

编辑

  中華民國

编辑

总统蔡英文已经让各单位全力投入救援任务外加严格进行事故调查，一定要拿事故原因搞清爽，[11]而且呼吁大众覅过度揣测。[12]

搿桩事故受到交关国际媒体快讯报导，当中路透社也叫事故是臺铁40年来顶严重个事故。[13][14]

中央流行疫情指挥中心记者会当朝暂停举办一次。[15][16]

行政院从4月3日开始，降半旗三天，对死伤者表示哀悼。[17]

  中华人民共和国

编辑

中华人民共和国国务院臺湾事务办公室搭海峡两岸关系协会、中华全国台湾同胞联谊会对事故受难人搭伊拉家属表示慰问。[18][19][20]

  日本

编辑

日本首相菅义伟、前日本首相安倍晋三、日本参议员莲舫、防卫大臣岸信夫、日本臺湾交流协会对事故受难人搭伊拉家属表示慰问。[21]

参考

编辑
  1. ↑ "不斷更新／太魯閣出軌！第7、8節傷亡慘…累計「48死、159傷」". ETtoday. 2021-04-02. 
  2. ↑ 頭條日報. 【太魯閣號出軌】台鐵司機證實罹難 新婚兩年遺留幼子 (zh-yue-Hant-HK). 頭條日報 Headline Daily. 访问日脚2021-04-02.
  3. ↑ 有辰光听到买弗到票拿票卡上车。根據台鐵規定普悠瑪號、太魯閣號𪥸拿票卡上車。
  4. ↑ 台鐵出軌》站票120張完售 死者是否多為站票還要查 自由時報
  5. ↑ 【獨家／台鐵出軌】致命因曝光！高速行駛遇工程車無預警摔落鐵軌　撞爛車頭第八車廂釀死，蘋果日報，2021-04-02
  6. ↑ 頭條日報. 工程車滑落致太魯閣號出軌增至54死 成台鐵過去40多年最嚴重事故 (zh-yue-Hant-HK). 頭條日報 Headline Daily. 访问日脚2021-04-02.
  7. ↑ 不斷更新／太魯閣號出軌釀50死！義祥工業社負責人聲押 聯合新聞網
  8. ↑ "2016.1.12台鐵新購太魯閣號 運抵台中港 TED1013 TED1014". 台湾鉄路管理局 (Youtube). 2016-01-12. 
  9. ↑ "【不斷更新】太魯閣撞工程車36死　最慘車廂乘客驚恐「到處都是屍體」". 台灣蘋果日報. 2021-04-02. 
  10. ↑ 10.0 10.1 "【不斷更新】太魯閣撞工程車36死　最慘車廂乘客驚恐「到處都是屍體」". 台灣蘋果日報. 2021-04-02. 
  11. ↑ 【台鐵出軌】蔡英文指示4點任務　全力救援、釐清事故原因 (zh-TW). 蘋果日報 (2021-04-02). 访问日脚2021-04-02.
  12. ↑ 太魯閣號出軌釀嚴重死傷 蔡英文：全力搶救、務必徹查事故原因 (zh-Hant-TW). tw.news.yahoo.com. 访问日脚2021-04-02.
  13. ↑ 太魯閣號事故國際關注！多家外媒報導 路透：40年最嚴重 (2021-04-02). 访问日脚2021-04-02.
  14. ↑ 台鐵太魯閣號出軌 國際媒體快訊報導關注 (2021-04-02). 访问日脚2021-04-02.
  15. ↑ 三立新聞網 (2021-04-02). 新增確診？指揮中心因應太魯閣號事故取消記者會改發新聞稿 | 健康 | 三立新聞網 SETN.COM (zh-Hant-TW). www.setn.com. 访问日脚2021-04-02.
  16. ↑ 太魯閣出軌釀重大死傷 指揮中心緊急取消疫情記者會 -- 上報 / 焦點. www.upmedia.mg. 访问日脚2021-04-02.
  17. ↑ 明起全國降半旗3天 悼台鐵半世紀來最慘重傷亡 中時新聞網
  18. ↑ 国台办、海协会对台铁列车出轨事故伤亡台胞及家属表示哀悼和慰问. 访问日脚2021-04-02.
  19. ↑ 國臺辦：對臺鐵列車出軌事故表達高度關切 (zh-hant,zh-cn). 访问日脚2021-04-02.
  20. ↑ 全国台联向台铁事故伤亡乡亲同胞表达哀悼和慰问 (zh-hans,zh-cn). 访问日脚2021-04-02.
  21. ↑ 太魯閣號事故 日本前首相安倍與參議員蓮舫送暖 (2021-04-02). 访问日脚2021-04-02.

外部链接

编辑
 
维基共享资源里向寻得着搭该篇文章搭界个多媒体资源：
取自“https://wuu.wikipedia.org/w/index.php?title=臺鐵408號出軌事故&oldid=314816”