旧金山是美国加利福尼亚个一座沿海城市。老早此地寻着金矿，交关人侪移民到搿搭来。香港人搭南洋人叫旧金山三藩市。
弹词名家张如君一趟说《双金锭》，讲到扬州十三太保龙奉金辣海苏州办好事体要回扬州，经过无锡、常州、丹阳三只大码头，挨下来唱词里有得一句“远远望见旧金山”，听客弄勿懂，哪哼无锡、常州、丹阳三只大码头过去一圈兜到美国去了？实际浪评弹唱词侪是七字句，过脱无锡、常州、丹阳三只大码头远远望见个是镇江金山！
