舊金山華藏寺
华藏寺来勒美国旧金山市当中交关闹猛个米慎区（Mission District）里向，个答地方老底子辰光是只天主教个教堂，变成佛教寺庙是勒了2004年个12月25号个開寺[1]，庙个进口里厢供奉个是弥勒菩萨像，一楼是大雄宝殿，供奉个有释迦牟尼佛、千手观世音菩萨搭仔韦陀菩萨，二层楼浪是弥陀殿，供个是阿弥陀佛像，个尊佛像有得两层楼伽高，实在是庄严又壮观得来勿得了，三层楼高头是藏经阁，庙个後院有一棵落过甘露的木棉树，再里厢还有畀大家拜关公个关圣帝君护法亭。
历任方丈 编辑
| 第一代住持(2004-2015) | 隆慧法師 |
| 第二代住持(2015-現在) | 若慧法師 |
庙堂建筑搭设施 编辑
- 大雄宝殿
大雄宝殿个当中供奉释迦牟尼佛、左面供奉千手观世音菩萨、右面供奉韦陀菩萨。个只殿是开法会搭仔共修辰光个主要大殿。
- 弥陀殿
弥陀殿来勒伲楼，供奉个是有得两层楼伽高个阿弥陀佛像，假使开法会辰光人多个闲话，也可以有一部分人囤勒弥陀殿里参加。
- 弥勒菩萨圣台
从大门一进去就可以看得見供奉个大肚皮个弥勒菩萨法像格法台。
- 关圣帝君护法亭
後院供奉关圣帝君护法圣神，关圣帝君是佛教个护法圣神，会得显圣灵感应，亭子前头有得灵签摆勒亥，让侬好摇签問事体。
- 藏经阁
三楼浪是藏经阁，主要抗个是净土宗榻仔禅宗个主要经书，比方说有阿弥陀佛经、药师琉璃光如来功德本愿经，地藏王菩萨本愿经等。
- 後院花園
庙里开办个佛事活动 编辑
庙里定期来勒佛菩萨圣诞开法会，比方有阿弥陀佛圣诞法会、药师琉璃光如來(药师佛)法会、韦陀菩萨圣诞法会、观世音菩萨圣诞法会、释迦牟尼佛浴佛法会、地藏王菩萨法会、清明报恩法会、大悲千手观世音大坛法会。平常每礼拜天有得禅修课上。还会得不定期开放生法会。
对联碑記 编辑
- 庙个正门
上联『承依三寶起正法妙諳密典各派善存是諸宗』，下联『秉咐九品開法藏貫乎法門異族和收乃釋教』。
- 华藏门
上联『本寺依藏登妙蓮挽手可攀』，下联『正法奉律取圣宗雲腿即顯』。
- 弥勒菩萨圣台
上联『大肚能容天下事何來不容之容』，下联『忍辱可納法界境豈是有納中納』。
- 大雄宝殿
上联『法空歸源本無心心無本源歸空法』，下联『性寂真來如陀佛佛陀如來真寂性』。
- 弥陀殿
上联『出報身相蓮開九品演淨土』，下联『現威猛狀法展一乘藏密義』。
- 护法亭
上联『玉泉山中立廟堂帝君皈佛門』，下联『關聖亭前搖籤運靈感識果因』。+
参考文献 编辑
- ↑ 舊金山華藏寺十二位長老多來自台灣. 大紀元 (2005-05-20).
- ↑ "華藏寺舉辦地藏法會顯聖跡". 世界新聞報. 2010-09-20. Archived from the original on 2016-12-20. Retrieved 2017-04-22.
- ↑ 千手觀音大壇法會在美國首修 天降甘露. 東森新聞 (2012-09-26). 原始文档勒2020-08-08存档. 访问日脚2017-04-22.