舟山跨海大桥
舟山大陆连岛工程，也讴舟山跨海大桥，是舟山市历史上头规模顶大个基础设施建设工程。2005年被浙江省列为重点建设项目，是浙江省“五个百亿”工程里头一个，2009年12月25日辰光整个工程通车。
连岛工程包括岑港大桥、响礁门大桥、桃夭门大桥、西堠门大桥搭仔金塘大桥介五梗跨海大桥，以及接线公路介。东只角搭舟山本岛岑港介开始，朝西向搭里钓岛、富翅岛、册子岛、金塘岛介排排统连拢，西只角一直搭宁波镇海炼化厂个西边登陆。工程按照高速公路个标准造个，总路程50公里，其中大桥部分有25公里长，总费用票花脱107亿。工程分两回造，第一回造岑港大桥、响礁门大桥搭桃夭门大桥介三梗；第回造西堠门大桥、金塘大桥两梗搭宁波连接线介。
