苏州园区站

苏州园区站，规划搭造个一开始叫苏州工业园站、苏州东站 ，是一座勒拉苏州市苏州工业园区至和西路个沪宁城际铁路车站，勒拉沪宁铁路个外跨塘站对过，苏州站东10公里个地方 。苏州园区站是沪宁城际铁路苏州段个六座车站之一，也是全线设计客流量第三大个站头，只比上海站搭南京站低，设计个高峰小时客流量达到9600人次。

等箇个站头完全造好以后，会得变成长江三角洲地区个城际铁路换乘枢纽，负责沪宁城际铁路搭通苏嘉甬铁路个换乘。

车站结构

车站大厅（2018年12月）

园区站站台

岛式站台
4站台	沪宁城际高速铁路往南京站方向（苏州站）
正线	沪宁城际高速铁路往南京站方向（苏州站）
正线	沪宁城际高速铁路往上海站方向（阳澄湖站）
3站台	沪宁城际高速铁路往上海站方向（阳澄湖站）
岛式站台

旅客运输

到2011年6月份，苏州园区站个客流量每天将近4000人，当中客发人数每天平均2000人，每天客发人数顶顶高个辰光有3600人。箇能介，让箇座车站变成沪宁城际铁路个所有非城市级车站当中客流量顶顶大个车站，也是停靠车次顶顶多个车站。 苏州园区站个开设，也形成仔每日往返苏州园区与上海的上班客流 。

根据高德地图联合中国大陆多家交通管理部门发布个《2016年春节出行预测报告》，苏州园区站是全国相对挤个火车站，排拉第十名 。

交通枢纽

园区站到达层

差头

差头个等候区勒拉站头东面。

地铁

站头附近有苏州轨道交通“苏州园区火车站”，一座三层个换乘枢纽站，现在有轨道交通3号线。另外还会得有轨道交通8号线 。