苏州高新区有轨电车1号线

箇篇文章讲个是苏州高新区有轨电车线网中个1号线，也可以是有关苏州轨道交通里向个1号线，请参看“苏州轨道交通1号线”。

苏州有轨电车1号线是苏州高新区有轨电车头一条线路^[1]。线路东西方向横穿苏州高新区，勒拉起点站狮子山站好换乘轨道交通1号线搭仔3号线，全长25.76公里，是中国国内单线运营里程顶长个有轨电车线路。全线有1座车辆段，1座控制中心，最高运行速度达到70km/h，总投资31.49亿人民币。伊勒拉2012年9月11号开工^[2]，2014年10月26号开通试运营。开通个辰光，名字从高新区有轨电车1号线改成功苏州有轨电车1号线。2018年4月28号，1号线延伸线开通，向西延伸到西洋山^[3]。