茉莉花

茉莉花（学名：Jasminum sambac，梵文：Mallika）是木犀科当中素馨属个植物，外头看上去是一种高度大概了1到3公尺个灌木。

虎头茉莉

名字解释

茉莉花个学名 sambac 是从梵语 champaka 而来，本来是指木兰科里含笑属个黄玉兰花（Michelia champaca）。

别名

茉莉花还有其它个名字叫做木梨花、鬘华、三白……等等。

介绍

茉莉花有得浓郁个花香，花里厢可以提炼出香精油，所以勒热带地区有交关地方拿茉莉花当作经济作物来种，从人工研究当中又培养或改良出交关只栽培品种，顶有名个是一只叫做虎头茉莉个厚花瓣品种（英文名字叫做Grand Duke of Tuscany）。在中国，交关人欢喜吃个茉莉花茶就是拿茉莉花摆到绿茶当中窨出来个，有一首牢有名个民谣《茉莉花》顾名思义就是唱茉莉花。

茉莉花勒1937年畀菲律宾人选为菲律宾个国花，后来勒1990年特之蝴蝶兰跟阿诺尔特大花草一道被选为印度尼西亚的国花。在菲律宾，茉莉花常用来制作欢迎客人个花环或者是祭坛个饰物，甚至被认为可以医头疼。