荷兰东印度公司
荷兰东印度公司（荷兰文：Vereenigde Oostindische Compagnie）是近古荷兰共和国向印度洋搭太平洋进行商业，殖民活动辰光成立个一家有国家支持个商人企业。迭个企业搭17世纪蛮多所谓个公司一样，具有殖民政府个性质。成立公司，好帮助荷兰更加好融资并分配执行地利润。荷兰东印度公司从16世纪挨末阶段八十年战争开始，向东方迅猛扩张，慢慢替代葡萄牙人，成为东南亚顶顶有攻击性个势力，17世纪初，已经占领乃朝爪哇岛并建立巴达维亚殖民地。之后，又北上袭击蛮多葡萄牙人个堡垒（包括葡属澳门)并抢夺伊比利亚国家个东亚贸易。1610年代，获得德川家康信任，取得对日本贸易个西方垄断权。之后，搭闽地豪强郑芝龙个家族进行长期战争，同时开始殖民台湾岛。建立荷属台湾。1662年，从荷属台湾退出，势力开始衰退到东南亚地区。同时国家干预日益增强，到19世纪，畀荷兰殖民政府取代。
