荷屬新幾內亞

荷屬新畿內亞（荷蘭語：Nederlands Nieuw-Guinea）是新幾內亞西部是荷蘭殖民辰光個官方名字。有名氣個通稱叫Dutch New Guinea。荷屬新幾內亞現在屬於印度尼西亞頂頂東面個兩個省份──巴布亞省搭西巴布亞省（2003年前頭儕屬於巴布亞省）。

1898年到1949年，荷屬新幾內亞是荷屬東印度下頭個一部份。

1949年，荷屬東印度停止運作，成為仔完全獨立個印度尼西亞，荷蘭重新得著新幾內亞西部個主權，還準備建立一個獨立國家。差弗多5千個教員飛到該噠，荷蘭推行政治、商業搭公民技能。第一批本土海軍軍校學生勒1955年畢業，第一支陸軍部隊勒1956年成立。

整個荷屬新幾內亞範圍個選舉勒1959年，1961年4月5號巴布亞議會開始運作，預備勒10年裏向完成獨立。1961年12月1號，荷蘭認同議會揀個國歌，還定好晨星做新個國旗。

1961年12月18號，印度尼西亞入侵西巴布亞。印尼搭荷蘭軍隊衝突過後，聯合國勒1963年5月拿西巴布亞主權交畀印度尼西亞。勒一場畀印尼軍方控制個窮有爭議個公民投票過後，西巴布亞勒1969年正式併進印尼。