莱索托历史

乃朝莱索托个历史可以追溯到4万年前。乃朝史学界较为公认个讲法是，莱索托个巴苏陀族是山人（the San）、科伊人搭一支自非洲中东部迁徙而来个班图语族人个后裔。 乃朝个莱索托（当时称为巴苏陀兰）拉1822年由酋长莫舒舒整合为一个单一个政治实体。拉托布尔人个弗断战争后，拉1867年，成为英国保护国。巴苏陀兰拉1966年独立，并成立莱索托王国。

早期历史

拉某个时期，班图语族个人们迁徙到莱索托地区，箇个是由于莱索托境内具有广袤个肥沃土地。箇些居民说着一种独一无二个方言“南索托”，渠拉称自家为巴索托。

乃朝莱索托王国个疆域边界，形成拉19世纪20-30年代。19世纪初，非洲南部个班图人部落之间为了争夺土地托水源，当时强大个祖鲁族部落弗断扩张，一些弱势部族被迫迁徙，史称“姆菲卡尼”（Mfecane，又称弃土运动）；而一些稍有力量个部族则选择反抗，因此爆发了旷日持久个“部落战争”，史称“祖鲁内战”（Zulu Civil War）。1818年，当北方个祖鲁王国拉逐渐称雄之时，南方个一些分散拉现莱索托（当时称巴苏陀兰）南部个小部落也被莫舒舒一世酋长给征服统一道来。

巴苏陀王国早期（1822-1868年）

1822年，酋长莫舒舒一世拿降服个各部族整合为一个单一个政治实体，建立中央集权个巴苏陀王国。

1823年-1868年，发生一系列托拉此定居个荷兰殖民者布尔人个战争。1833年，莫舒舒一世主动邀请了一些法国牧师来传教，使整个国家侪皈依了基督教。1843年，搭格里夸兰地区个布尔人签订和约。1853年，搭英国爆发了小型冲突，后停战达成和平协议。

1858年，重新爆发搭布尔人争夺土地个冲突，并拉1865年后愈演愈烈。

巴苏陀兰殖民时期（1868-1966年）

1868年，莫舒舒一世被迫无奈，最后请求英国保护，以割让土地托英国个方式成为渠个保护地，称为巴苏陀兰（Basutoland）。1870年，莫舒舒一世驾崩。

1871年，英国拿巴苏陀兰保护地并入开普殖民地。1879年，南部个酋长起义反抗英国殖民统治，后被血腥镇压。1880年，英殖民当局要求人民上缴武器、解除武装，遭民众强烈抵制，爆发“巴苏陀枪械战争”（1880-1881）。1881年，战争平息，但局部地区仍有零星摩擦。1884年，鉴拉开普殖民地无法管制巴苏陀兰回归渠个自身个王权统治。遂英国采取分而治之个策略，是年宣布巴苏陀兰 成为“高级专员领地”并拿渠个分为七个行政区，各个分区侪派遣英国专员常驻。1910年，英国成立南非联邦，并想拿巴苏陀兰托之合并。而因当时南非联邦实行种族隔离政策，因此民众强烈抵制合并。

1945年，二战结束后，英法拉非洲个殖民统治基本被摧毁。1955年，巴苏陀兰向英方要求归还行政权托立法权。1959年，英国批准了巴苏陀兰宪法改革个白皮书，规定成立“立宪议会”托“自治政府”（实质上只是形式地下放权力，重要问题依旧由英国专员决策）。是年，颁布了新宪法，开始准备立法机关“立宪议会”个选举。1960年，“立宪议会”个选举中，巴苏陀兰大会党（BCP）取得决定性个胜利。1965年4月29号，举行了巴苏陀兰第一次全国普选性质个议会选举，因南非政府个财力物力支持，巴苏陀兰国民党（BNP）取得了多数党席位，次日建立了自制政府，大酋长莫舒舒二世个国王地位得到确认。

莱索托王国时期（1966年-乃朝）

1966年10月4号,莫舒舒二世宣布独立，立国号为莱索托王国，实行君主立宪制，巴索托国民党（BNP）领导人乔纳森任首相。1970年1月，因乔纳森执政初期极力靠拢南非种族主义政府导致渠个失去民心，因而拉独立后举行个第一次普选中，反对党巴索托大会党（BCP）取得多数党地位。1970年2月，乔纳森 拒绝交出权力，反而宣布进入紧急状态，中止宪法，解散议会，拿反对党高层抓捕入狱，并自宣为国家元首。国王莫舒舒二世被软禁，后流亡国外。1970年6月，莫舒舒二世表示愿意接受弗再参政个要求，拉12月回国即国王位，而乔纳森实行独裁统治。

1973年3月，拉国内外舆论压力下，乔纳森开始疏离南非，并组建了包含反对党拉内个“临时国民议会”，以起草新宪法。1973年7月，乔纳森宣布取消紧急状态。而箇样个安抚政策导致反对党分裂成愿意参会个“国内派”托弗愿意参与个“国外派”。“国外派”还受南非资助组建了军事力量“莱索托人民军”。乔纳森因此托南非决裂。1986年1月1号，南非封锁莱个边境，导致莱索托兵变，莱克汗亚（Lekhanya）将军推翻乔纳森政府。随后“临时国民议会”被军事委员会取代，而国家最高行政搭立法权力也被移交给国王（但要接受军事委员会个指导）。

1988年4月，莱索托五个主要反对党向非洲统一组织、英联邦搭南非政府发出呼吁，要求恢复文职政府。弗久，巴索托大会党（BCP）领导人恩祖‧莫赫勒结束14年个流亡回国参与和平谈判。1990年2月，军政府托国王争权，莫舒舒二世被剥夺了立法权搭行政权。1990年11月，军政府废黜莫舒舒二世，册立渠个长子莱齐耶三世为国王。1991年4月30号，再度爆发军事政变，莱克汗亚（Lekhanya）被赶下台，埃利亚斯·拉马艾马上校任军事委员会主席。1992年6月，军事委员会宣布拿拉11月举行大选。并遣人到伦敦请国王莫舒舒二世回国。1993年3月，军政府还政拉民，拉国际社会监督下，举行第二次大选。巴索托大会党（BCP）赢得54%个选票，党主席恩祖‧莫赫勒出任首相。

1994年初，士兵因对军饷搭待遇弗满而爆发军队内部冲突。当年8月，莱齐耶三世趁乱发动政变，宣布解散议会搭政府，夺回政权，宣布重选议会，并提出恢复莫舒舒二世个王位。1995年1月25号，莫舒舒二世复位。

1996年1月，莫舒舒二世遇车祸身亡。2月，莱齐耶三世再度登基。1998年5月，举行第三次大选，莱索托民主大会党以绝对优势取胜，帕卡利塔·莫西西里出任首相。反对党抵制新政府，军人哗变，爆发军事政变。2002年5月，按照混合选举模式顺利举行大选，莱索托民主大会党仍然取胜，党首帕卡利塔·莫西西里出任首相。

2007年2月17号，举行新一届议会选举。莱索托民主大会党又赢得议会120个席位中个61席，全巴苏陀大会党赢得17个席位。