莲花路站

莲花路站位于上海闵行区梅陇镇沪闵路莲花路西侧，是上海轨道交通1号线个地面侧式车站，1996年12月28号启用^[1]。

车站结构

旧西南地下通道，已经畀改造成5号口哉

车站楼层

车站原结构只有站台地面层搭仔地下一层个地下通道。车站改造拿北侧站台直接通向站外个出入口拆脱哉，来勒地上二楼新加了隻北站厅。

地上二层	北站厅搭出入口	1、3出入口、票务服务、自动售票机、人工服务台
地面层
	北出入口	2、4、7出入口
	侧式站台 · 开右边车门
		█ 1号线往莘庄方向（外环路）
		█ 1号线往富锦路方向（锦江乐园）
	侧式站台 · 开右边车门
	国铁	沪春线
	南出入口	5-6出入口
地下一层	南站厅	票务服务、自动售票机、人工服务台

站台

本站设有2隻侧式站台，付费区里向通过天桥连通。每座侧式站台长186米、宽6米、高1.1米，有雨棚遮咾个^[2]。

改造前富锦路方向站台全景图

改造工程

改造工程里向，来勒莲花路站北广场造仔隻莲花路商业广场，还对站体本身进行改造，比方讲拆脱北广场原先个站房、联通两個侧式站台、造了隻新站厅^[3]。作为项目建设个前期工作，北广场所有商铺来勒2018年3月份全部关门，同年6月23号开始拿北广场站房拆脱^[4]。同年7月12号，三井不动产宣布参与重建项目，是箇家公司来勒日本以外个头一隻车站大楼商业设施^[5]^[6]。2021年4月10号，北广场新站房设施初步开放，购物中心来勒同年12月22号全面开业^[7]。新个南站房搭仔两隻站台间个天桥则来勒2024年7月16号开放使用。