萨拉曼卡(西文：Salamanca），是欧洲伊比利亚半岛中北部个一个有名城市，乃朝隶属西班牙莱昂-卡斯蒂亚大区管辖，也是萨拉曼卡省个首府。2014年统计，有人口14万人。萨拉曼卡历史邪气悠久，人类定居好追朔到2700年之前个铁器时代。到罗马帝国辰光，已经形成聚落，中世，此地设立萨拉曼卡大学，成为莱昂-卡斯蒂亚王国顶顶有名个教育基地。西班牙哈布斯堡王朝个交关国王、贵族侪立在此地接受过培训。乃朝，萨拉曼卡还是一个旅游城市，每年吸引到大量观光客来游览。
