落苏
落苏，貤叫茄（宁波话：jia24[1]、临海话：gia22[2]）、茄儿（岱山话：jiae22[3]）、茄子（苏州言话：ɡɑ223 ·tsɿ[4]）、茄菜[5]、落茄[6]，是一种蔬菜，植物学里向是属于茄科（Solanaceae）茄属（Solanum）个草本植物。落苏是印度人顶早种个，后头传到中国搭仔其他国家。
名字
编辑“落苏”搿个名字顶早是指从泰国传到中国个白茄，因为伊白颜色个像乳制品，烧熟之后又酥溚溚个，就畀唐朝辰光个僧人叫“酪酥”，后首紫茄也搿能叫了，又慢慢较变成功“酪苏”搭仔“落苏”。宋人王辟之勒海伊写个《渑水燕谈录》里向讲，叫“落苏”是“杭人为避钱镠爱子跛足之讳”，搿种讲法是呒啥依据个。[7]
