薛范

薛范（1934年9月21号—2022年9月2号），中国音乐学家、翻译家，上海人。2岁得小儿麻痹症呒得治好，落下两腿终身残疾。1952年从震旦大学附属中学（今上海市向明中学）高中毕业考取上海俄语专科学校（今上海外国语大学），因残疾呒得入学，后自学俄语、英语、日语等语言搭仔大学中文系个全部课程。1953年起发表译配个外国歌曲，一生完成有两千余首，其中一千首左右是俄苏歌曲，顶著名个是1957年发表个《莫斯科郊外的晚上》。薛范统共获得俄罗斯政府荣誉六次，1997年获时任俄罗斯总统叶利钦授予友谊勋章；国内个奖项包括2022年中国翻译协会授予“翻译文化终身成就奖”等。2022年9月2号夜9点31分来得上海过世，享年87岁。