虹口游泳池

虹口游泳池是中华人民共和国上海市虹口区一隻游泳池，也是上海顶早开放个公用游泳池，来勒鲁迅公园西北面个东江湾路500号。伊是上海公共租界工部局造个，1922年造好，伊个辰光面积1219平方米，一开始叫工部局游泳池，只对非中国公民开放，後些来为咾增加收入开始对中国公民开放。日本侵华战争个辰光，箇埭畀日本人占领，抗战胜利以後么就畀上海市政府接管。1951年，虹口体育场造好以後，游泳池划畀体育场管理。1985年开始再脱离出虹口足球场个管理。