服装

服装（也讲：衣裳）最广义个定义，除了指躯干搭四肢个遮蔽物之外，还包括了手里（手套）、脚里（袜、鞋）搭头上（帽）个遮蔽物，搭子延伸出来个衣裳配饰。基本上所有人类都有撯衣裳个文化。人类撯衣裳有社会性个因头。衣裳里无数物事都有文化、宗教搭社会意义。某些色彩也搭性别有关，比方从头一趟世界大战起，美国社会便习惯男小人带蓝色领结，女小人带粉红色领结，打仗前个情况扣好反转。