西属美洲

西属美洲指从15世纪末到19世纪，西班牙来拉美洲居个殖民地个统称。

从1492年哥伦布踏上新大陆开始，西班牙就陆续来拉加勒比海搭美洲沿岸设立据点並向内陆推进。为著统治西属美洲，1535年起西班牙先后建立四隻总督（西班牙语：virrey，直译“副王”）区：

1. 1535年设立新西班牙总督辖区：首府墨西哥城，管辖新西班牙（今墨西哥）、中美洲及加勒比海诸岛、菲律宾咾啥；
2. 1542年设立秘鲁总督辖区：首府利马，本生管辖整隻西属南美，波旁改革（析置新格拉纳达、拉普拉塔）后辖地缩小到今秘鲁搭智利；
3. 1718年设立新格拉纳达总督辖区：首府波哥大，管辖今哥伦比亚、委内瑞拉搭厄瓜多尔地区；
4. 1776年设立拉普拉塔总督辖区：首府布宜诺斯艾利斯，管辖今阿根廷、乌拉圭、巴拉圭、玻利维亚咾啥。

创立总督区之前，西班牙就设立著都督（西班牙语：Capitán General）府。有著总督区，都督府就併进总督区编制哉。瓜地马拉、智利搭委内瑞拉咾啥个都督府，后首为著行政方便，又搭总督区分离。