西本愿寺（上海）

西本愿寺是20世纪前半日本佛教淨土宗本愿寺派勒拉上海公共租界北区开个一所寺庙，今朝个地址是上海虹口区乍浦路455号。

上海个西本愿寺

1906年，西本愿寺学东本愿寺，也跑到上海开别院，向中国人传教。一开始开拉文监师路114号（今朝个塘沽路）。1931年，西本愿寺搬到现在箇只地址，乍浦路武进路丁字路口南面，由冈野重久设计，是一幢印度风格个白颜色花岗石寺庙，特点是伊咾大咾大个半圆拱搭仔日式个浮雕，高头雕有莲花、禽鸟。寺里向曾存拉弗少日本人个骨灰，还曾造了座9层楼高个佛塔 。

二战结束以后，西本愿寺作为敌性寺庙畀收脱，1948年经上海市参议会决议，拟改成上海忠烈祠。1999年成为上海市优秀历史建筑。