西班牙长枪党

长枪党（西班牙文：Falange），全称叫做西班牙传统主义代表方阵搭攻略民团议会（西班牙文：Falange Española Tradicionalista y de las Juntas de Ofensiva Nacional Sindicalista，缩写是Falange Española de las J.O.N.S.），是1930年代西班牙第二共和国混乱阶段，西班牙国内几个法西斯主义团体搭政治运动个合称，前身是法西斯主义团体平复国家派。1931年底，正式成型。阿方索十三世统治挨末阶段那个军事独裁人物大里维拉个儿子小里维拉是迭个团体个发起人，立在西班牙内战当中，迭个派别表现抢眼。得到西班牙国家主义者青睐，畀收编进入统一战线。立在1939年西班牙内战结束之后，长枪党成为所有支持国家主义者个联盟。大量天主教支持者、传统主义者、保守主义者搭保王党侪吸纳进去，搭老早个性质已经弗一样哉。从1937年开始，方济各·佛朗哥将军就成为该组织领袖。一直到1975年伊去世。之后长枪党改组，党内温和派演变成乃朝个西班牙人民党，极端派别立在1980年代早期“恢复”长枪党。弗过影响力已经老小哉。