证券

证券是一种可以交易个资产。迭个词语经常用来指代各种金融手段，弗过伊个法律定义勒各个国家搭地区弗一样。勒勒有一眼国家个法律里向，“证券”只包含股票搭固定收益证券。勒另外个国家，伊还包括一眼类似于股票或者固定收益证券个物事，譬如讲普通股认购权证。

发行证券个公司或者另外个个体叫做发行者。一桩物事是弗是证券还要看所在地区个法律规定，比方讲私募基金勒交关特征浪向看起来侪像煞证券，但弗过根据某些法律伊可能并弗满足“证券”个规定。

证券可以是有一纸凭证个，弗过勒更大程度浪向也可以是呒没凭证个，而只有电子契约登记。证券包括公司股票、对冲基金、公司或政府债券、各种期权、有限责任合伙单位，以及另外个可兑现个、可互换个正式金融手段。