语音同化(英语:Assimilation)属于语音流变(或称语流音变、连读音变)个一种。单个个读音进入语流之中,或被前后个音素所影响,或因为快慢高低等弗同,而搭单独存在个辰光弗同,迭种现象就称为语流音变,而语音同化就是常看到个一种语流音变。语音同化是一个语言学个现象,为了方便发音,邻近个音共同性增强,两个或以上个发音会变得搭彼此更为相近或甚至相同,外加让某个语音学上个音系特征更加彰显。