越绝书
《越绝书》所记载个内容以春秋末年到战国初期吴越争霸个历史事实为主干，上溯夏禹，下迄两汉，旁及诸侯列国，对搿一历史时期吴越地区个政治、经济、军事、天文、地理、历法、语言等几花方面侪有涉及。其中有种记述，现存其他典籍文献侪看弗见个，只有搿本书独详；有种记述，倒可以搭其他典籍文献互为发明，彼此印证。勒现代社会科学个研究过程中，有弗少人，从弗同角度、勒弗同程度浪利用《越绝书》，来考察中国古代史、中国文学史、汉语语言学史、中国民族史、中国历史地理中个弗少具体问题，也取得之弗少重要成果。
作者 编辑
关于《越绝书》个作者《隋书•经籍志》认为是子贡，其实应该弗是。 搿本书末尾序外传记有隐语：“以去为姓，得衣乃成，厥名有米，复之以庚。”搿个隐语里向囥之“袁康”两个字。又有“禹来东征，死葬其疆”。搿两句表明作者是会稽人；又云：“文词属定，自于邦贤；以口为姓，承之以天，楚相屈原，与之同名”搿几句里向又囥之“同郡吴平”个名。 所以《四库全书总目提要》判定搿本书作者为汉朝个袁康搭吴平，搿两个人个生平已经呣没办法考证哉。
内容 编辑
《越绝书》是记载古代吴越地方史个杂史，又叫《越绝记》，全书一共十五卷。搿本书杂记春秋战国个辰光吴越两国个史实，上溯夏禹，下迄两汉，旁及诸侯列国，对搿一历史时期吴越地区个政治、经济、军事、天文、地理、历法、语言等方面侪有涉及。 关于书名由来“越绝”，首篇《外传本事》说：“越者，国之氏也。绝者，绝也，谓勾践时也。”“贤者，所述不可断绝，故不为记明矣。”清代个俞樾对搿点作之解释，搿是讲《春秋》绝笔于获麟之绝，意在记吴、越个事体来续补《春秋》，而重点是关于越，所以叫，“越绝”。 搿本书原来有三十五篇，所谓“旧有内记八，外传十七”；北宋初丢脱之五篇，现在只剩十九篇。其中首尾两篇属于序跋性质，中间十七篇有内经、内传搭外传，显得比较杂乱。但不过《外传本事》解释说：“经者论其事，传者道其意，外者非一人所作，颇相覆载，或非其事，引类以托意说之者。”搿一方面说明俚个材料来源是多方面个，另外一方面说明之，作者著书个意图，每篇侪有俚个特定个目的，所谓“观乎太伯，能知圣贤之分”，“观乎九术，能知取人之真，转祸之福”等等。 《越绝书》保存有吴、越地区东汉以前个弗少史料，特别注重伍子胥、子贡、范蠡、文种、计倪等人个外交军事活动；有种畀《史记》采用，譬如说勾践行计倪、范蠡之术，俚个道理勒富米贵谷。搿点史料可以搭《左传》、《国语》跟《史记》互相印证，补充其不足。 还有《外传记宝剑》一篇，记述欧冶子、干将两个人帮越王铸之五口宝剑，又帮楚王铸之三口宝剑，侪锋利无比。后来考古发掘证明《越绝书》浪记载个炼剑个事体是真实个。还有篇中所谓“以石为兵”、“以玉为兵”、“以铜为兵”、“以铁为兵”个记载，大体浪反映之今朝考古学浪个旧石器、新石器、铜器搭铁器时代。 勒《越绝书》个成书年代、作者、卷数、书名、篇名等问题浪，到现在还存在弗少弗同个看法。譬如说关于成书年代，有春秋说、战国说、战国―西汉―东汉说、战国―东汉说、东汉初年说、东汉末年说、东汉初年―东汉末年说、西晋说；关于作者，有子贡撰说、子胥撰说、袁康撰说、袁康、吴平合撰说、袁康撰吴平修订说、袁康、吴平辑录说；关于卷数，有十五卷说、十六卷说；关于书名，有《越绝书》原称《越绝》说、《越绝书》原称《越绝记》说、《越绝记》非《越绝书》说；关于篇名，有吴太伯与兵法篇亡佚说、今本吴地传也就是古本吴太伯篇说、伍子胥水战兵法内经也就是古本兵法篇说、今本陈成恒弗是古本陈恒篇说，等等。 《越绝书》，畀东汉著名学者王充称搿许辰光个五大名著之一。书名曰“绝”，旧有“断灭”等说法，今人考证，应当是上古越语“记录”个译音，是越国史记个专名。《越绝书》内容非常广泛丰富，详细记载之吴越交战、越王勾践生聚教训，最后兴越灭吴，逐鹿中原个经过，内容涉及兵法、权谋、术教等，畀有种学者称为“复仇之书”。还记载之弗少有关季节变化、农田水利、土地利用、粮食丰歉等内容，因此畀弗少学者视为一本发展生产、经世致用之书。书中《吴地传》搭《地传》两篇，详细记述之吴越两国个山川、地理、物产等，所以畀有种学者尊为中国地方志个鼻祖。《越绝书》弗仅是浙江最早个地方志，也是国内现存最古个地方志。搿本书还保存之先秦个辰光弗少珍贵个思想史资料，有种记述，可以搭其他典籍文献互为发明，彼此印证，所以一直畀学者重视。 历代个抄本、刻本有翻元本（越绝书十五卷江安傅氏双鉴楼藏明双栢堂刊本双柏堂本）、张佳胤本、陈垲刊本、古今逸史本、四库全书本等版等等。研究成果有清人个两种，一为俞樾越绝书札记曲园杂纂，一为钱培名所作，刻入小万卷楼丛书。
目录 编辑
第一卷 越绝外传本事第一 越绝荆平王内传第二
第二卷 越绝外传记吴地传第三
第三卷 越绝吴内传第四
第四卷 越绝计倪内经第五
第五卷 越绝请籴内传第六
第六卷 越绝外传纪策考第七
第七卷 越绝外传记范伯第八 越绝内传陈成恒第九
第八卷 越绝外传记地传第十
第九卷 越绝外传计倪第十一
第十卷 越绝外传记吴王占梦第十二
第十一卷 越绝外传记宝剑第十三
第十二卷 越绝内经九术第十四 越绝外传记军气第十五
第十三卷 越绝外传枕中第十六
第十四卷 越绝外传春申君第十七 越绝德序外传记第十八
第十五卷 越绝篇叙外传记第十九