轻子（教会罗马字：ky'ing-ts；英文：lepton）是一种弗参与强相互作用、自旋为 1/2 个基本粒子。电子是顶为人所知个一种轻子，大部分化学领域侪会涉及搭电子个相互作用——原子侪包含电子，个咾所有化学性质侪直接搭电子搭界，化学反应实质上就是电子移动。轻子貤好再细分分成功两类：带电轻子搭中性轻子。带电轻子包括电子、μ子、τ子，好搭别个粒子组合成功复合粒子，譬方讲原子咾、电子偶素咾啥。
