辟邪剑法
辟邪剑法（正体字：辟邪劍法），是金庸个小说《笑傲江湖》当中顶顶结棍个武功之一。来源是老早一个宦官高手个总结。迭隻剑法，立在故事发生靠七十年前頭，流到南少林个一个和尚手里向，迭个人后首来还俗，改名林远图，并创立福威镖局。擔剑谱囥起来。
特点 编辑
讲起来，迭个剑法一眼也弗辟邪，反过来交關邪气。首先，联系迭个剑法，就要自家擔自家个卵割脱（必先自宫）。有人研究話，是因为迭个武功会刺激内分泌，假使弗割卵，就会得有邪气大个负作用。辟邪剑法个主要特点是速度快，人家還無办法反应过来就杀脱。假使速度慢落来，辟邪剑法威力是弗灵光个。林远图个后人林震南就使用慢个辟邪剑法，结果，就畀青城派个余沧海弟子轻易打败哉。