郑和下西洋

郑和下西洋指个是中国来勒明朝早期1405年到1433年间个七场连续个大规模远洋航海，跨越东亚地区、东南亚地区、印度次大陆、阿拉伯半岛、东非各地，是伊岗位辰光世界上规模最大个远洋航海项目。1405年（明永乐三年）到1433年，明成祖命太监郑和领仔二百四十多艘海船、二万七千四百名船员从苏州浏家港出发远航，拜访三十多隻西太平洋搭印度洋个国家地区。郑和船队七次下西洋个总航程达到七万多海里，相当于地球圆周个三倍。

底線字是出航到達點，紅線是路線。政權邊界用个是1405年个。

郑和船队曾经开到东海、南海、泰国湾，经马六甲海峡进安达曼海搭孟加拉湾，再绕过整隻南印度到阿拉伯海、波斯湾，从亚丁湾进红海，亦有航行到东非马达加斯加北部更远个海域，到达沿海三十多隻国家搭岛。郑和舰队有六次是来勒明成祖永乐年间（1402年至1424年）出海个，阿末一趟远航是来勒明宣宗宣德年间（1425年至1435年）个。前三次远航最远到印度西南海岸个卡利卡特，第四次最远到波斯湾个霍尔木兹海峡；阿末，船队远航到阿拉伯半岛搭东非肯尼亚。