郑张尚芳
郑张尚芳（1933年8月9号－2018年5月19号），本名郑祥芳，男，温州人。中国语言学家，主要从事汉语音韵学及汉藏语比较研究。
生平
编辑1933年养拉浙江省永嘉县永强区（今温州市东郊永中镇），从小对语言文字感兴趣，高中常庄到籀园图书馆（今温州图书馆）阅览语言学书籍。本名郑祥芳，笔名尚芳、方翔。高中从父母双姓，改姓郑张。因为社会原因不好考大学，只好业余辰光自学成才，自称“温州图书馆大学”毕业。
研究
编辑现代吴语
编辑1964年发表《温州音系》《温州方言的连读变调》两篇拢共十三万字个长文。后首又连续发表关于温州吴语儿化现象个长文。
调查过中国一百多隻方言点，掌握著邪气丰富个一手材料。1987年《中国语言地图集》里佢负责吴语（搭著皖南、粤北个别样汉语）。
2013年搭沈克成合编《温州方言文献集成》，2015年搭傅国通合编《浙江省语言志》。
历史音韵
编辑1981年撰写《汉语上古音系表解》，虽朆发表，但屡受引用。1995年沙加尔拿佢讲义翻成功英语之后，国际汉学界反响强烈。系统阐述佢历史音韵成果个《上古音系》2003、2013年分别出版头一版、第二版。
2012年搭潘悟云合编《汉字字音演变大字典》。