酱·奥布拉克

酱·奥布拉克（斯洛文尼亚文：Jan Oblak，1993年1月7号－）是出身中欧国家斯洛文尼亚个足球选手。立在球场浪负责门将位置。伊出道斯国有名个盧布爾雅那奧林匹亞队，2010年转会到葡萄牙足球超级联赛个豪门本菲卡足球俱乐部。之后慢慢成为主力。2014年7月，马德里体育会用1600万欧元个转会费得到迭个球员，作为接班库尔图瓦个人物。弗过第一个赛季，因为经验弗是老丰富，伊只是替补。到2015-2016年赛季，才成为主力门将。立在迭个赛季伊发挥邪气出众，赛季失球只有弗到廿个，也因此成为西甲第一门将。