里昂祭光节

大里昂主题页面

里昂祭光节，法国里昂有名个节庆。每年个12月8号夜来，整个城市会得灯火光明，景观灯或者蜡烛，侪有处让侬感受光个魅力。

历史

里昂从中世纪就开始信圣母玛丽亚（耶稣个生母）。勒1643年辰光，法国南部开始流行老鼠传播个瘟疫，当地个贵族商人开始年年纪念圣母，希望流行病停脱。

后来，年年9月8号（注意：弗是11月8号），Fourvière圣母院开始祭祀典礼，搿天子也是里昂市寄拨圣母玛丽亚个日子。

12月8号祭光节搭仔里昂个宗教历史有关。

1850年，里昂宗教权威准备勒Fourvière山浪造一只雕像，格么就发布招人启示。过仔一年，一个叫Fabisch个里昂雕塑家赢仔比赛，准备开始造，并且选定1852年9月8号落成。但是搿年子8月份辰光，淞河涨水，工地拨水淹脱哉。

落成仪式只好推迟到12月8号。当天，报纸登仔活动计划，全城一道出动庆祝。有星人准备好仔勒勒房子墙头点蜡烛。但是咦有事体冲欢喜，宗教权威后来勒12月12号再主持落成仪式。事非人愿，里昂人个劲道朆拨冷水冲脱。

搿天夜来6点钟开始，头一批窗台浪有光出来。8点钟个辰光，城市里向到处侪蜡烛点出来个哉。大多数人侪从屋里向出来到街上，快活，喜庆，互相友好交流。甚至宗教机构也学仔伊俚，连Fourvière个礼拜堂也勒夜里向亮哉。

搿天子夜来，搿个祭光节真正开始！接下去，每个12月8号年年庆祝。里昂人勒窗台浪点蜡烛，艾到路浪向跑路，欣赏里昂夜景。

2007年分4天，12月6-9号。活动主要分4部分地区：

2006年辰光，里昂市内公交公司TCL趁祭光节辰光罢工，弄仔人家夜来弗得回转。

基本参考法文版维基版地翻译，别个根据官方网站介绍。