鉴湖

鉴湖，本名镜湖，传说是黄帝做镜子个地方，又叫长湖、镜湖、庆湖，勒拉中国浙江省绍兴市西南1.5公里，宁绍平原浪，东起亭山，西到湖塘，长22.5公里，东西狭长个，老底子伊是只大型农田水利工程，现在伊是浙江名湖。

东汉顺帝永和五年（140年），会稽太守马臻拿山阴搭仔会稽两地来个水併拉一道成只湖，箇就是古鉴湖，总面积约莫200平方公里，有“鉴湖八百里”个讲法。唐朝中期开始，古鉴湖淤脱；北宋中期开始圩田，到南宋初已经圈脱交交关关面积。现在只挺绍兴西南还有段较阔个是鉴湖，加浪几只小湖。