钱绍昌

钱绍昌（1930年11月27号—2024年12月24号），男，汉族，浙江杭州人，翻译家，医学博士，圣约翰大学医科毕业以后来勒瑞金医院做外科、烧伤科医生。

1958年5月26号夜里向11点钟，上海第三钢铁厂一部转炉行车个辰光出事体哉，10吨半1300摄氏度个铁水倒下来，拿边浪30岁个锅炉长邱财康搞得唻受伤面积89%，深三度烧伤面积23%。钱绍昌是瑞金医院抢救组个成员之一，成功拿病人救回来，是我国第一例大面积深度烧伤病人治愈个病例。

1958年，钱绍昌任上海市科学技术协会委员，协助翻译科学术语，后来还协助时候电视台翻译影视作品，作品有《鹰冠庄园》、《大饭店》、《成长的烦恼》、《卡萨布兰卡》咾啥个，中国翻译协会畀伊资深翻译家荣誉称号。1980年10月份开始，伊来勒上海外国语学院英语系当老师，1986年5月份做副教授，1992年10月做教授。1983年，上海外国语学院成立国际新闻专业，钱绍昌教授去执教，1995年2月份退休。