锤子搭镰刀(符号化为☭,俄语:серп и молот,又称锤子镰刀、铁锤镰刀)是一种从俄国革命开始个用来代表共产主义个标志。创立个辰光,两个工具分别代表两种无产阶级劳动者:锤子用来敲打,象征工人;镰刀则用来收割,象征农民。两个工具结合拉一体,代表工农团结、合作搭反抗反动运动搭外国干涉。即使拉组合成一个符号之前,迭两种工具侪是被长期用拉欧洲纹章中个传统符号。