锺繇

锺繇（吴拼：Tsung Yeu）（151年－230年），字元常，豫州颍川长社（今河南长葛）人，三国时期曹魏重臣、著名书法家，官至太傅，逝世后谥曰“成侯”。

锺繇书法

锺繇书法史上向名声显赫，搭秦时个李斯、汉时个蔡邕搭仔张芝齐名。伊是楷书鼻祖，也是王羲之个先生。根据记录，锺繇擅长”铭石书“”章程书“”行押书“：铭石书是刻碑文用个书体，也便是八分隶；章程书是写行政文书用个楷体；行押书则是个人私底里使用、相对实用个行书——因为当时辰光，隶、楷、行迭个一眼术语还弗曾形成功。个咾我伲好看得出，除脱楷书，伊隶^di3书、行^ghang1书也邪气精湛。

伊个楷书，实际上向以后世角度看是兼具隶书搭行书神韵个，个咾相对法度森严个唐楷，锺繇楷书交关活泼、邪气自由：同样一个字，锺繇好写出交关变化。伊迭种自由、空灵个风格对后世书家有得交关启发，卫夫人继承仔伊个风格，但神韵弗及伊灵动宽广；王羲之则更是伊个徒孙，临过伊个《墓田丙舍帖》。另外，像明时吴门三家当中两个——王宠搭仔祝允明是受仔伊深刻影响。