镇江市

镇江市是长江三角洲里向一个城市，古时拨称作：京口。

乃歇人口：268万人。

历史

镇江老早个居民是百越居民，根据挖出来个考古记录，已经有三千多年个历史哉。春秋辰光，镇江属于吴国，迭个辰光叫做朱方.公园前210年，秦始皇南巡来到谷阳，看到此地地形势雄险，“因山为垒，临江望海”，就命3000个囚徒开凿，挖岘山，搭来勒金陵个做法一模一样，目的是“破王者之气”，又拿此地改名叫做丹徒。

东汉末年，天下大乱，浙江个孙氏迁居丹阳，后来个孙坚、孙策、孙权侪出自于迭个家族。孙权来勒去建业（今南京）之前，就来勒京口临江个北固修造一座坚固个军事堡垒，作为新都的东部屏障，从此镇江又被称作“京口”。

西晋末年，五胡乱华，衣冠南渡。交关门阀南迁，东晋来勒江南北部设立新个州县安置流民。京口作为重要渡口，移民数量远超吴越土著，来勒之后个100年内，镇江本地个古吴方言逐渐被北方话取代，北方移民来勒镇江留下交关影响，东晋有名个北府兵就是拿镇江个北方移民作为基础个。

589年，隋朝占领京口，595年，改此地为润州。之后因为大运河个关系，镇江个贸易搭商业开始兴旺发达。1113年，改润州为镇江府。

来勒蒙古人统治辰光，镇江个外来人口邪气多，城内有将近五分之一信仰回教。