長征是1934年10月到1936年10月當中,中国共产党領導個中國工農紅軍紅一方面軍中央紅軍)、紅二方面軍(由紅二軍團紅六軍團會合仔組成)、紅四方面軍紅二十五軍分別從各個中央蘇區朝對陝甘蘇區個敗逃搭潰退。紅軍到仔陝北過後,1935年12月,毛澤東勒報告當中首先用「長征」該個詞,從此開始「長征」一詞進仔史冊[1]。紅一方面軍走個路超過仔兩萬五千華里(12,500公里),所以亦叫二萬五千里長征[2] 或者北上抗日;當時個國民政府叫俚篤「流窜[3]或者「西竄[4][5]。紅軍畀逼得穿過大面積個雪山、高原草甸、永久凍土帶搭無人區,1936年紅一、二、四方面軍勒甘肃會寧碰頭。中央紅軍一塌刮子打仔380多趟仗,攻下來七百多隻縣城,紅軍陣亡個營以上幹部達到430人,平均年齡弗到30歲,擊潰政府軍幾百隻團,當中經過仔11個省,翻過18座大山,跨過24條大河,走過嘸沒人個草地、翻過連勒一淘個雪山一共两萬五千里。

參考 编辑

  1. 高華 (2009-07-13). "紅軍長征的歷史敘述是怎樣形成的?". 鳳凰網. 
  2. 王作化,红军“二万五千里长征”的说法是怎么来的? 檔案,存勒Wayback Machine當中。(2015年9月30號),《党史文苑》,2006年第7期
  3. 《中國國民黨史》:“赤匪自稱這次流竄為長征。這次長征開始於民國二十三年十月,到二十四年一月,紅軍主力已到達貴州的遵義。”
  4. 薛岳,《剿匪紀實·自序》:「既而匪勢大蹙,傾巢西竄,余復奉命揮軍追勦。」
  5. "國民黨管長征叫西竄 長征後毛說非黨員一律入黨(1)". 四川日報. 2006-11-10. Archived from the original on 2014-10-30. Retrieved 2015-09-12.