陈毅

陈毅（1901年8月26号—1972年1月6号），原名陈世俊，字仲弘；四川乐至人；外交部长、诗人，中华人民共和国十大元帅之一。曾经担任中华人民共和国国务院副总理、中共中央军委副主席、中华人民共和国外交部部长，上海市人民政府首任市长。

陈毅年轻个辰光勒法国勤工俭学，1923年11月加入中国共产党，后势来担任黄埔军校政治部文书搭中共委员会书记。第一趟国共内战个辰光，渠担任红四军政治部主任、红三军政委、红二十二军军长兼政委、江西军区总指挥，坚持南方三年游击战争。抗日战争个辰光，渠担任新四军第一支队司令员、代理军长，参与开辟华中根据地。第二趟国共内战个辰光，任华东野战军司令员搭政委、中原野战军副司令员、第三野战军司令员兼政委等职。

中华人民共和国成立之后，陈毅历任上海市市长，中华人民共和国国防委员会副主席，中央军委副主席，国务院副总理搭外交部部长等职，并勒文化大革命个辰光畀牵扯进“二月逆流”案。1972年1月6号，陈毅勒北京逝世。