陈良宇

陈良宇，上海人，祖籍浙江宁波，中国共产党员，中華人民共和國原上海市主要领导人之一。1992年提拔为中国共产党上海市委员会副书记。2001年接替调任中国工程院党组书记徐匡迪任上海市长，2002年任中共上海市委书记，当年又当选为中共中央政治局委员。

陈良宇个家主婆是黄毅玲，阿爸陈更华，阿弟陈良军。

因为跟當時以胡錦濤、溫家寶為首个中共中央政權政見弗合，得罪了共青團幫勢力，拨社保基金挪用案搭仔秦裕案牵连，2006年9月24日伊拨中共中央免落上海市委书记、常委、委员职务，停止伊担任个中央政治局委员、中央委员职务，并拨立案侦查。

陈良宇是上海帮个重要成员之一，而上海帮是中国大陆一股政治势力。自从胡锦涛等新一代领导人上仔台，上海帮就变成功新领导层个眼中釘、肉中刺。而陈良宇作为上海帮个重要人物，因为勿满意温家宝压抑上海房地产价钿而影响上海市民个收入，所以剌垃2004年更曾以温家宝实行宏观调控勿利为由，要求温家宝下台。所以，有人讲搿趟陈良宇下台，是打击上海帮个重要一步。

陈良宇虽然因为社保投资而被高层革职，但是实际上，陈良宇扩充了上海社保基金，探索了中国社保基金的保值增值额方法，並得到了成功。另外，陈良宇剌盖当上海市领导期间，大力发展上海个经济，改善上海老百姓个生活，所以得到了大多数上海市民个肯定，剌盖伊下台交关年数之后，伊还是上海老百姓最怀念个领导人之一。

经历

• 1963年8月－1968年8月解放军后勤工程学院建筑系结构专业学习，获得大学本科学历
• 1968年8月－1970年9月解放军6716部队当兵锻炼
• 1970年9月－1983年3月上海彭浦机器厂工人、设计员、基建科副科长（其间：1979年2月－1980年1月同济大学工程结构系进修；1980年4月加入中国共产党）
• 1983年3月－1984年3月上海彭浦机器厂副厂长、上海冶金矿山机械公司党委副书记（其间：1982年9月－1983年4月市机电一局党校干部轮训班学习）
• 1984年3月－1985年1月上海电器公司党委书记
• 1985年1月－1987年2月上海市委老干部局副局长、局长
• 1987年2月－1992年10月上海市黄浦区委副书记、副区长、区长（其间：1992年1月－1992年9月英国伯明翰大学公共政策学院学习）
• 1992年10月－1992年12月上海市委副秘书长
• 1992年12月－1996年10月上海市委副书记
• 1996年10月－2001年12月上海市委副书记、副市长
• 2001年12月－2002年2月上海市委副书记、代市长
• 2002年2月－2002年10月上海市委副书记、市长
• 2002年10月－2002年11月上海市委书记、市长
• 2002年11月－2003年2月中央政治局委员，上海市委书记、市长
• 2003年2月－2006年9月中央政治局委员，上海市委书记
• 2006年9月－因牵连上海社保资金案，中共中央决定，免脱渠上海市委书记、常委、委员职务，停止渠担任个中央政治局委员、中央委员职务。

分析

有人認為，垃中國官員當中，交關人儕有賽過陳良宇个問題，阿是會得畀高層處罰，一般取決於權力爭鬥。作為上海幫骨幹，陳良宇个下臺，會得成為胡溫體制取代江澤民體制个標誌性事體。還有分析認為，箇个弗是一趟簡單權利爭鬥，作興是一趟中共个路線回歸。開始於1978年个經濟改革路線近兩年經常引發爭論，中共高層利用民間弗滿情緒，整頓失去共產主義理念个政府官僚，外加進一步加緊中央集權。

外部连结

• 陈良宇案新闻集─多维新闻网／大纪元^{[链接坏脱]}／雅虎香港 档案，存勒互联网档案馆当中。（2006年11月10号）
• 新华社陈良宇案新闻稿、官方简历
• 陈良宇报道活动集 档案，存勒互联网档案馆当中。（2006年10月21号）