集韵》是古辰光个一部中文韵书,搭《礼部韵略》一淘编写于宋仁宗景祐四年(公元1037年),距今982年。据李燾说文解字五音谱叙》记载,宋仁宗景祐四年,即《广韵》颁行后29年,宋祁郑戬上书拨仁宗,批评《广韵》多用旧文,“繁省失当,有误科试”。另据王应麟玉海》记载,贾昌朝也勒同时上书批评宋真宗景德年间编个《韵略》是“多无训释,疑混声、重叠字,举人误用”。个么仁宗皇帝就下仔命令,叫丁度等人重修箇两部韵书。乃么勒海景祐四年当年头里就完成仔《礼部韵略》,又过仔两年光景,勒仁宗宝元二年(公元1039年)《集韵》也完成哉。

集韵》是《广韵》个改正版,仍旧分206韵,只必过韵母用字,部分韵目个次序搭仔韵目下头所注个韵字同用、独用个规定有一滴滴两样。从王仁昫个《刊谬补缺切韵》开始,直到孙愐个《唐韵》,韵字侪加入注释,外加引文侪有得出处,个咾韵书同时也有辞书字典个功能。《集韵》搭《广韵》主要个弗同之处是在于《集韵》收字多,外加收个异体字邪气多。一个字弗管是正体、古体、或体、俗体,全部收进,一个字可以多到八九种写法。《集韵》拢总收勒53525个字,比同时代个《广韵》多收仔27331个字。缺点呢,是对字个来源呒啥说明,字训以《说文解字》为根据,反切大多采自《经典释文》。