雍和宫
雍和宫是一座在拉北京市东城区老城区东北角落个大型藏密佛教庙，弗单单是北京顶有名个佛庙之一，也是华北地区顶大个藏传佛教庙之一，现在香火邪气旺盛。
历史
编辑王府
编辑雍和宫个地理位置，是17世纪挨末阶段确定个。
康熙三十三年（1694年），清帝国个皇帝康熙帝在拉内城东北老早明朝内官监官房个地方，为自家第四个儿子胤禛修造府邸。迭个建筑个辰光畀叫做【禛贝勒府】，胤禛后势来畀封和硕雍亲王，就改叫【雍王府】。
1711年，胤禛个儿子弘历在拉王府东书院“如意室”出生，伊就是后势来个乾隆帝。
1723年胤禛登记，成为雍正帝（1723年－1735年在位）。雍正搬到紫禁城之后，拿雍王府【潜邸】升成为宫殿，并且拿名字改成【雍和宫】。
雍正十三年（1735年），永和宫内停放雍正帝灵柩，为此，拿建筑主要殿宇个瓦片从黑色升级成黄琉璃瓦。
喇嘛庙
编辑在在雍正在位辰光，雍和宫个中路搭西路已成为藏传佛教个佛庙。
乾隆帝登基之后，在拉乾隆九年（1744年）拿雍和宫中路搭东路正式改成功藏传佛教寺庙，拿主要殿宇改成佛殿，并赐名“噶丹敬恰林”。
东路行宫还是皇室使用，弗过后势来，因为失火焚毁。根据《清代雍和宫档案史料》记载，乾隆十三年三月廿号，内务府拿明代建筑遗留，景山万福阁侪脱，搬运到雍和宫，成为现在个后殿。
当代
编辑1961年，雍和宫畀收纳成中国国务院批准个全国重点文物保护单位。弗过后势来畀冲击。
1983年，雍和宫成为全国重点寺庙。