静安寺是来勒上海静安区个一个寺庙。具体是来勒南京西路1868号,是上海交关有名个佛庙。

历史 编辑

静安寺来勒西晋建兴元年(312年)开始修造,传说来勒这年,吴淞江里向浮出两尊佛像,背上侪写有佛名,吴县个佛教徒拿佛像迎上岸,供奉到重元寺,箇就是静安寺个前身。到宋朝辰光,才开始畀称为静安寺。静安寺原先来勒吴淞江(苏州河)北面,因为江水波涛邪气大,威胁到台基,所以到南宋嘉定九年(一二一六年)迁到今日个位置。元帝国统治之后,迭个庙也经历毁灭搭修建个循环,到1741年,重新修造大殿。太平天国辰光,庙宇大部分畀烧脱。仅有大佛殿保留下来。长毛叛乱被评定之后,庙宇开始复兴。来勒1880年修造山门搭佛殿。1921年,又增修三圣殿,大体高头有如今个规模。到1947年,持松法师担任静安寺个住持,开始宣传密宗佛法。同时创办佛学院搭《学僧天地》月刊。之后受到冲击比较严重,1972年,大雄宝殿被烧脱,改革开放之后逐渐回归正轨。1983年开始修复,重新修造大雄宝殿,还新建功德堂搭僧寮,恢复真言宗密坛。1983年,静安寺被定为全国重点寺院。1990年开始,重新对外开放。http://news.fjnet.com/msgc/nr/200812/t20081230_100284.htm 檔案,存勒Wayback Machine當中。(2014年7月3號)