食餅筒

食餅筒（臨海、路橋、仙居謳「食餅筒」；臨海貤謳「麥油脂」；三門謳「麥焦」；天台謳「餃餅筒」；溫嶺謳「拭餅」、「食餅」、「席餅」、「麥餅」等；玉環謳「錫餅」，寧波寧海縣叫「麥餃筒」）是台州个傳統食物。佢是圓筒樣子，有白色搭綠色兩種，裡頭包各類料頭。台州人一般在端午、立夏、五月十三、七月半、搭春節咾啥个節日喫箇个。

一个人揢食餅筒

做法

麵皮

食餅筒中，「拭餅筒」是白个，用米粉搭麥粉做起；「麥餅筒」是綠个，用地莓（鼠麴草）、苧麻葉或者各許植物磨个粉，搭糯米粉做起。

料頭

食餅筒个料頭一般包括雞蛋絲、紅燒肉、豆腐乾、黃鱔、綠豆芽、包心菜、炒肉咾啥个，但實際上自家鍾意个菜蔬都好囥進去。天台、三門、臨海許宕地還會把食餅筒囥鑊扗煎朞。

風俗

《溫嶺縣誌》中央有寫，端午時節，溫嶺人家頭戶加戶都喫食餅筒，只有少數人家喫粽。

在七月半，玉環一帶有做食餅有拜祖先个習俗，沙門人做食餅要拜完才好喫。

交關

1955年2月，玉環沿海諸島个千把居民畀中華民國政府撤到台灣去爻，佢班人勒台灣屏東建起一隻“玉環新村”，畀喫食餅筒个風俗也帶過去爻。