香港驻伦敦经贸办间谍案

香港驻伦敦经贸办间谍案，是2024年英国一桩国家安全案。2024年5月13号，伦敦警察厅发布新闻稿，讲伊个反恐指挥部来勒5月1号捉脱8男1女，第二天貤来勒伦敦搭仔约克郡捉脱2個男人，拿伊拉关勒伦敦城中心搭仔西米德兰郡个警察局里向。7男1女因皇家检察院弗起诉而来勒5月10号释放，挺下来3名男子Chung Biu (Bill) Yuen（袁松彪，63岁）、Chi Leung (Peter) Wai（音译卫志良，38岁）搭仔Matthew Trickett（37岁）畀皇家检察院起诉，罪名是《2023年国家安全法》里向个“协助外国情报机关”搭仔“境外干预”罪。三家头排期排到5月24号。必过来勒5月19号，嫌疑人Matthew Trickett死拉梅登黑德公园里向，弗晓得哪能死个。