马克思主义

(从馬克思主義转戳到箇里)

马克思主义是一种以唯物主义解释历史辩证法、搭朝资本主义批判所发展出来个经济政治社会世界观。垃19世纪中后期,卡尔·马克思弗里德里希·恩格斯造出来马克思主义个理论架构。马克思主义做根基或者方法论个写作对现代个政治哲学搭社会运动产生仔穷大穷广个影响,包括俚特别个哲学社会学政治经济学、搭仔革命意识形态[1]。对于马克思主义个理论并呒没一套统一个定义,也因此佢垃拉众多个领域搭仔题材丄向出现多元个发展,导致其门下包含众多明显对立甚至互相冲突个理论[2]

马克思列宁主义用唯物主义个立场检视社会个发展,认为人类社会是架构垃赖以为生个经济活动浪向。经济组织个架构搭生产模式畀视为是人搭人当中个社会、政治、法律搭道德关系个根本来源(或者至少发挥仔主要个影响),该点社会关系进一步构成仔马克思所谓个上层建筑。跟牢生产模式个进步,本来个社会组织搭关系变得呒没效率还搭经济活动产生冲突,该种冲突接下来发展成为阶级斗争[3]。按照马克思主义个分析,由无产阶级劳动操作个高效率机械化生产模式,垃生产过程中帮少数有生产工具个资产阶级产生仔剩余产品并且成为剩余价值,该种剥削关系进一步转化变仔根本性个矛盾,该种矛盾越来越大,社会个革命肯定会得发生。马克思主义预测社会主义会从革命里向产生,还会得拿生产工具还畀集体个手浪,跟据每个人个「实际劳动」发利润,还根据「需求」而弗是利润规划生产。马克思还讲垃社会主义后头,共产主义会得诞生,生产模式是各尽所能、各取所需,成为一个无阶级、无国界、无货币、无私人产权个社会。马克思主义发展成为交关多个分支搭流派,弗一样个流派对于古典马克思主义个论点侪有弗一样个解读搭着重处,有辰光也会得融合非马克思主义个概念,有仔该点理论方法浪个弗一样,个浪多马克思主义流派除脱朝资本主义经济个批判态度是一样个,呒没已经确定个理论框架搭研究方法[4]。也因此,众多从马克思主义衍生个政治哲学,在追求社会主义丄所采取个策略常大弗相同。

参考文献编辑

  1. social science : 大英百科 - 马克思主义对社会科学影响
  2. Wolff and Resnick, Richard and Stephen(1987年August月).Economics: Marxian versus Neoclassical.The Johns Hopkins University Press.ISBN 0801834805.原文:“Marxian theory (singular) gave way to Marxian theories (plural).” 
  3. Comparing Economic Systems in the Twenty-First Century, 2003, by Gregory and Stuart. P.62, Marx's Theory of Change. ISBN 0-618-26181-8.
  4. O'Hara, Phillip(2003年September月).Encyclopedia of Political Economy, Volume 2.Routledge.ISBN 0-415-24187-1