马恩岛
马恩岛（英文Isle of Man或者Mann），一个勒勒英格兰搭爱尔兰当中个爱尔兰海浪个小岛，是英国王权领地。首府搭最大城市叫道格拉斯。
公元前6500年以来，一直就有人生活勒迭座岛丄。盖尔文化是公元5世纪左右进入马恩岛个，爱尔兰传教士伊个辰光开始定居，出现盖尔语个一隻分支马恩岛语。627年，诺森比亚国王埃德温征服马恩岛搭仔麦西亚个大部分地区。9世纪，诺斯人建立海上霸权群岛王国，包括马恩岛。1266年，根据珀斯条约，挪威国王马格努斯六世拿马恩岛个宗主权卖畀苏格兰国王亚历山大三世。来勒苏格兰搭英格兰国王交替统治一段辰光以後，箇座岛来勒1399年变成英格兰王室个封建领主手底下头，1765年大不列颠王室拿马恩岛个主权收转来。
