高骈(821年-887年9月24号),字千里,中国唐朝挨末阶段个重要军阀,被唐帝国封为渤海郡王。伊是南平郡王高崇文个孙子,祖宗是渤海郡人,迁到幽州。

生平 编辑

小辰光伊“好为文,喜言理道”,来勒乾符六年(879)被帝国任命为淮南节度使。从此成为江淮地区顶顶大个统治者。个辰光黄巢来勒中原经常被打败,军队蹲勒信州,高率领军队拿伊围困,黄巢想投降,弗过高弗允许,之后黄巢孤注一掷,竟然拿高打败,之后“巢势复振”[1]

来勒之后个战争当中,高骈来勒交关会战当中畀黄巢打败,伊手下个人劝伊弗要出击,保存自家实力。[2]

野心搭失败 编辑

广明元年(880),黄巢攻克唐帝国个首都长安唐僖宗逃窜到四川。个辰光高骈个野心暴露,准备效仿老早个孙策,三分天下。[3]。朝廷要伊出兵征讨黄巢,伊侪没反应。基本是公开反叛哉。伊欢喜鬼神,来勒扬州供奉交关道士和尚,让淮南个军事掌控逐渐被架空。

887年,扬州发生兵变,高骈畀伊个手下囚禁,最后杀脱。伊个势力分崩离析,后来,淮南来勒交关年数内兵荒马乱,最后,出生庐州(现在个合肥])个杨行密掌握淮南地区个控制权。

  1. [《资治通鉴》卷二五三]
  2. [资治通鉴:朝廷倚公为安危,今贼数十万众乘胜长驱,若涉无人之境,不据险要之地以击之,使逾长淮,不可复制,中为中原大患”但高骈“畏怯不敢出兵,但命众将严备,自保而已。”
  3. [《旧唐书》卷一八二:大阅军师,欲兼并两浙,为孙策三分之计]