黃浦公園

黃浦公園，勒拉上海黃浦區，是中國頂早个現代化公園，造勒1886年，當時稱爲公共花園、外灘公園及大橋公園等。

1920年代个黃浦公園

1946年，更改爲現名。1994年5月27號，勒拉公園裏向个上海市人民英雄紀念塔建成。

“華人與狗不得入內”之謎

1917年公園注意事項

有一隻流行个都市傳說，傳聞黃浦公園門前有一塊「華人與狗不得進入」个門牌。香港電影《精武門》就是根據迭個傳說，拍攝由李小龍飾演陳真个角色，怒踢此門牌个經典畫面。但是當時公園个規則當中，朆有得擔“華人”交“狗”个禁止事項擺勒同一隻句子裏向。

然而有得交關多人表示曾見歇過“華人與狗不得入內”个牌示。1903年，周作人勒伊日記裏向記述伊看到个是“犬與華人不准入”七隻字；1923年蔡和森話伊看到个是“華人與犬不得入內”八隻字；1924年孫中山勒《中國內亂之原因》一文中寫个是“狗同中國人不許入”迭八隻字；楊昌濟於1913年寫道：“上海西洋人公園門首榜雲：華人不許入……又雲犬不許入”；方志敏勒其著作《可愛的中國》中記錄牌子浪寫有“華人與狗不准進園”八隻字，陳盂熙則指，“一到外灘，公園門口木牌子‘華人與狗不得入內’个字體赫然在目，真使我們感到莫大个侮辱”。此外，陳岱孫、周而複、曹聚仁、蘇步青、宋振庭等儕講迭塊牌子確實存在。《中華民國史事日誌》也有上海公共租界公園勒拉1928年6月1号撤脱“狗與華人不准入內”个木牌咾啥个内容 。

图是苏联摄影师勒拉上海戰役後个上海拍个纪录片《中国个重生》里向出现个牌子

现在弗少人认为箇是隻都市传说，因为呒没人有实物个相，只有苏联摄影师勒拉上海戰役後拍到过块写拉箇几個字个牌子，别个洋文资料里向“華人”跟“狗”虽然侪弗让进，但是弗擺勒同一隻句子裏向。