中华民国陆军军官学校

中华民国陆军军官学校（一般也叫做陆军官校、陆官）是中华民国个有名军校，迭戈个学堂是中国国民党总理孙文（孙中山）在拉1924年，根据苏联人个建议搞起来个，后势来称为中国国民党个武装力量支柱，此地毕业个学生，也成为国民党领导人蒋中正顶信任个团体，畀叫做“黄埔系”。

黄埔军校旧址大门

历史

苏联攒足成立

1924年6月16号，陆官正式开学，之前一直嘸啥实际职权个蒋中正担任校长。个辰光，学堂个校园在拉南粤广州黄埔，所以，老百姓也拿迭个学堂叫做“黄埔军校”或“黄埔官校”。迭个学堂个设立，从钞票到人员，侪带有鲜明苏联人影响，伊拉根据苏联红军经验，规划半年完成初阶军官军事训练个速成学制，还根据修业期限，详细罗列教学大纲、课程设置搭具体进度，并针对各科具体内容搭特点，拟定实施办法。

蒋系势力温床

虽然苏联人同中国共产党在拉黄埔军校设立个辰光有交关影响，弗过，作为军校头面人物个蒋中正，更成功个利用迭个机会，培养出顶多个个人势力，交关后势来畀伊重用个人物，比如讲，有杜聿明、胡宗南、关麟征、黄杰、陈大庆、黄维、郑洞国、宋希濂、孙元良、李仙洲、毛人凤、张灵甫、李默庵、陈明仁、刘安祺、高魁元、康泽、郑介民、李延年、李弥、胡琏、唐生明、俞济时、戴笠、郝柏村、傅桓、蒋仲苓、王昇、沈发藻、刘戡、范汉杰、余程万、邱清泉、彭孟缉、罗列、于豪章、马安澜、黄幸强、陈廷宠、李祯林、汤曜明、霍守业、朱凯生、胡镇埔、赵世璋、杨天啸、陈镇湘、李翔宙、许历农、周仲南、丁渝洲、陈守山、马安澜、薛石民、郑为元、罗本立、高华柱等，侪是黄埔军校毕业生。